Сэтинньи 20 күнүгэр «Кэнчээри» кыра бөлөххө Байанайга аналлаах аралдьытыы күнэ буолла. Оҕолор сахалыы таҥнан-симэнэн кэлэн балыктаан күрэхтэстилэр, булт сиэрин-туомун туһунан билистилэр. Ый саҕаланаатын кытары бөлөх иһигэр оҕолорго уонна төрөппүттэргэ аналлаах «Байанай туһунан» буклет, кинигэ быыстапката тэриллибитэ.

Төрөппүттэрбит Дария Дмитриевна уонна Василий Васильевич Гоголевтар олус үчүгэй балыктары, күөгүлэри, күөлү оҥорон аҕалан тэрээһиммит сүрүн хайысхатын торумнаатылар. Кинилэргэ махталбыт улахан! Өрүү да маннык оҕо иитиитигэр төрөппүт көхтөөхтүк кыттыһан үлэбит таһаарыылаах, айымньылаах буоллун диэн баҕа санаабытын этэбит.