О5ону иитии араас еруттэрэ.
О5о бэйэтин айыл5атынан араас майгылаах буоларын бары билэбит:сангвиник, флегматик, холерик, меланхолик. Кинилэр биир эйгэ5э улаатан, иитиллэн, уунэн – сайдан тахсаллар. Майгы уратытын учуоттаан биьиги о5олорбутугар эмиэ тус – туспа сыьыаны, истин кэпсэтиини таьаарыахтаах буоллахпыт. Куннээ5и олоххо бу уратылары билбэттэн дуу, уопсайынан о5о5о ситэ бол5омто уурбаттан дуу, о5олорбут сайдыыларыгар, кинилэр сыьыаннарыгар уустуктар да уескууллэр. Киирэн хаалбыт балаьыанньаттан хайдах тахсары быьаарыы чэпчэкитэ суох боппуруос. Бу билинни бириэмэбит биир саамай тыын боппуруоьа буолар.
Учугэй иитиилээх диэн хайдах о5ону ааттыырбытыттан са5алыаххайын. Оннук о5о биллэн туран уерэ5и сепке ылынар, сурэ5элдьээбэт, туохха барытыгар эппиэтинэстээхтик сыьыаннаьар о5ону ааттыахха сеп буолуо. Кини туруоруммут сыалын ситиьэр, чиэьинэй, кене майгылаах, ыраас санаалаах, доруобай, чэбдик оло5у тутуьар. Кини тереппуттэрин , бииргэ тереебуттэрин уонна атын дьону кытта истин сыьыаннаах, ис санаатын кыбыстыбакка этэр.
Онтон куннээ5и олохпутугар о5о майгыта араас еруттэрдээх. Дьэ бу боппуруоска бары да кыттыьан толкуйдуохпутун , быьаарыллар быьаарыылары ылыныахпытын, бииргэ буолуохпутун эрэйиллэр. О5ону иитиигэ суруллубут бэлэм « рецепт» суох . улаатан эрэр о5о биллэн турар чугас дьонноруттан бол5омтону, тапталы эрэйэр. Онон мин санаабар кылаабынайа о5о харах далыгар сылдьыахтаах.
Уерэхтээхтэр быьааралларынан , о5о тохтообокко сайдар уустук система буолар.
Кини куннэтэ сайдар – уунэр. Бу тугэни, кылгас да бириэмэни, муччу туппакка о5ону кытта о5о буолан кини тыынар салгынынан тыынан, саныыр санаатын сайыннаран бииргэ буолуу, о5о сайдыытыгар туьаны эрэ а5алыа буолла5а. сурун быьаарар сыьыаннарынан буолуохтарын сеп: о5о ис санаатын таба таайыы, истин сыьыан, о5о уратыта уонна тулалыыр эйгэ. Этэргэ дылы баас диринии, эрэй элбии илигинэ , маннык боппуруостары быьаарар ордуга биллэр. Ол иьин, итинник тугэн та5ыста да, уьаппакка – кэнэппэккэ дьиэ кэргэн иьинэн иьирэх быьаарар кэпсэтиилэри ыытар, тутатына психолог субэтин ылар туьалаах дьыала буолара саарба5а суох.
Маны быьаарарга кылгастык да буоллар позитивнай психотерапия туох диэн быьаарарын сырдатыым. Киьи ханас полушарията толкуйдуур, интеллектуальнай улэтин хааччыйар, онтон уна полушарие – дууьа, эмоция улэтин. О5о оскуола5а уруоктарга дьарыктанан уксун ханас полушариета улэоиир эбит. Ол эбэтэр о5о уна полушариета сепке сайдыытыгар куннэтэ бол5омто ууруллара эмиэ наада эбит. Манна истин сыьыан, куннэтэ о5ону кытта чугас до5ор буолан кини ис санаатын сайа арыйыы, тугу толкуйдуурун билии уонна кэмигэр септеех субэни – аманы биэриигэ буолар. О5ону иитиигэ биир сурун бол5омтону о5о «энергетическай балансата» сепке туьаныллыытыгар уурар эрэйиллэр. О5о куннээ5и энергията сепке туьаныллыахтаах. Ол эбэтэр кини аьыыра, утуйара, уерэнэрэ, сынньанара, кэпсэтэрэ уо.д.а. Холобур, куну- куннуктээн телевизоры, компьютеры эрэ маныыр о5о куннээ5и энергията ханна барарын бэйэ5ит да сэрэйдэххит. Мантан са5аланара буолаарай, дьиэ иьигэр ейдеспет буолуу, кинир – ханыр кэпсэтии?
Мин санаабар о5о куннээ5и энергиятын хайдах туьанарыгар тереппут субэтэ уонна оскуола иитэр – уерэтэр режимэ септеехтук таналлыыта наада этэ.
Статьяны бэлэмнээтэ «Радуга» кыра белех иитээччитэ Сергеева Елена Саввична